Sarkaal ka tirsanaa ciidamada Puntland oo Bosaso lagu diley

Puntland

May 3, 2015 (GO)- Sarkaal ka tirsanaa ciidamada ammaanka Puntland ayaa caawa lagu diley magaalada Bosaso ee xarunta gobolka Bari.

Labo nin oo bistoolado ku hubeysnaa ayaa abbaare 7:00 fiidnimo isgoyska Xalwo Banaadir ku toogtey sarkaalkaas oo lagu magacaabi jirey Maxamuud Axmed Dheere.

Dableyda dilka geysatey oo aan ilaa iyo hadda haybtooda la aqoonsan, waxaa u suurtagashay inay durbadiiba baxsadaan.

Goobta dilku ka dhacay oo ku dhow suuqa Bosaso ayaa ah meesha ugu mashquulka badan guud ahaan magaalada.

Afar maalmood kahor ayey ahayd markii bam-gacmeed lagu tuurey bar-kantarool oo ay ku sugnaayeen ciidamo ka tirsan ilaaladda dekedda Boosaaso.

GAROWE ONLINE

Warar la xiriira

Wararkii ugu dambeeyey