Baraawe: Al-shabab oo soo weeraray fariisimo ciidan

Image

February 11, 2015 (GO)- Kooxo ka tirsan Al-shabaab ayaa xalay soo weeraray fariisimo ciidamada dowlada federaalka iyo kuwa AMISOM ku leeyihiin tuulooyinka Marin-gubaay iyo Ambareesa oo hoos taga degmada Baraawe ee xarunta gobolka Shabeelada Hoose.

Dagaal xooggan ayaa dhex maray ciidamadii ku sugnaa labadaas tuulo iyo weliba kooxihii weerarka soo qaadey, waxaana sida wararka lagu helayo jira khasaare labada dhinac soo kala gaarey inkastoo aan faah faahin dheeri ah laga haynin.

Wararka ayaa intaas ku daraya in dagaalada xalay dhacay dadka ku dhintey uu kamid yahay guddoomiyihii tuulada Maringubaay.

Dhanka kale, dagaal ayaa goor hore oo saaka ah duleedka Baraawe ku dhex maray ciidamada dowladda iyo kuwa AMISOM oo is garabsanaya iyo Al-shabaab.

Dagaalka ayaa bilowdey kadib markii dagaalyahano Shabaabka ka tirsani jidka u galeen kolonyo gaadiid ah oo ay wateen ciidamo dhanka Baraawe kasoo ruuqaansadey.

Al-shabaab ayaa labo weerar oo caynkaas ah bishan February kusoo qaaddey fariisimo ciidamada boolisku ku leeyihiin magaalada Bosaso ee xarunta gobolka Bari.

GAROWE ONLINE

Related Articles

Baarlamaanka Soomaaliya oo doodii ugu dambeysay ka yeeshay Dastuurka

Ajanadaha kulanka maanta ayaa ahaa dib-u-eegista dastuurka marxalada 3-aad.

  • Soomaliya

    28-03-2024

  • 11:23AM

Ururo ka dhisan Marooko oo ku baaqay in la sii daayo muwaadiniin ay Puntland dil ku xukuntay

6-qof oo u dhashay dalka Marooko ayaa laga soo qabtay deegaanada ay ku sugan yihiin Daacish.

  • Soomaliya

    28-03-2024

  • 07:28AM