Ciidamada dowladda iyo Al-Shabaab ku dagaallamay gobolka Shabeelaha dhexe
-
- Posted On 22-12-2015, 10:54AM
22 December, 2015(GO)-Wararka ka imaanaya gobolka Shabeelaha dhexe ayaa sheegaya in halkaasi dagaal ku dhexmaray ciidamada dowladda oo kaashanaya AMISOM iyo ururka Al-Shabaab.
Khasaaro dhimasho iyo dhaawac isugu jira ayaa ka dhacay, waxaa dhintay sida la xaqiijiyay 5 kamid ah Shabaab, halka tiro kale ku dhaawacmeen dagaalka oo ka dhacay deegaanka Aw-Dheegle.
Afhayeenka gobolka Shabeelaha Hoose Maxamed Xuseen Shiino ayaa saxaafada u xaqiijiyay in ciidamada dowlada oo kaashanaya kuwa AMISOM in ay dib uga qabsadeen deegaankaas oo gacanta ugu jiray kooxda Al-Shabaab.
Ciidanka dowladda ayuu sheegay inay ka dhinteen labo askari, mid kale dhaawac soo gaaray, wuxuuna xusay inay sii wadi doonaan hawlgalka Shabaab looga soo horjeedo.
GAROWEONLINE
