Duqeyn ka dhacday Gobolka Jubbada Dhexe

Image

JILIB, Somalia - Diyaarado dagaal ayaa duqeyn cirka ah ka fuliyay saaka oo Khamiis ah deegaan ay Al shabaab maamusho, oo katirsan gobolka Jubbada Dhexe, ee Koonfurta dalka Somalia.

Duqeyntan oo loo malaynayo inay gaysteen Diyaaradaha Mareykanka, ayaa ka dhacday Tuulo lagu magacaabo Sheekh Axmed Yare, oo ku yaalla inta u dhaxaysa degmooyinka Jilib iyo Kamsuuma.

Mid kamid ah dadka deegaanka, ayaa Duqeynta u xaqiijiyay Warsidaha Garowe Online, isagoo sheegay in diyaaradaha ay dhowr gantaallo ku dhufteen goobo kala duwan, oo halkaasi ku yaalla.

Wuxuu sheegay inay jiraan khasaarooyin kala duwan, oo shacabka deegaanka ku nool kasoo gaarey Duqeynta, oo ahayd mid culus. Al shabaab ayaa la sheegay inay ku jawaabtay Lidka-Diyaaradaha.

Degmada Jilib, ayaa si aad ah loo maqlay jugta gantaalaha ay ridayeen diyaaradaha ku garaaceen Tuulada Sheekh Axmed Yare, oo 50KM u jirta, taasi oo argagax way ku abuurtay dadka deegaanka.

Ma jirto wax war ah, oo kasoo baxay Al shabaab oo ku aadan weerarka cirka.

GAROWEONLINE

Related Articles

Fiqi oo Difaacay Ururka Jaamacadda Carabta Kaddib Dhaliil ka Timid Itoobiya

Safiirka dalka Itoobiya ee Muqdisho, Suleyman Dedefo, ayaa dhankiisa ku eedeeyay Jaamacadda Carabta.

  • Soomaliya

    10-09-2025

  • 06:46PM

Mareykanka oo Xaqiijiyay Taageeradiisa Soomaaliya ee La Dagaallanka Al-Shabaab iyo Daacish

Maamulka Trump ayaa kordhiyay duqeymaha cirka ee dalka Soomaaliya, oo la eegnayo Al-Shabaab iyo ISIS.

  • Soomaliya

    10-09-2025

  • 12:52PM