Dowladda Soomaaliya oo shaacisay in tirada kiiska Corona ay gaareen 237

Image

MUQDISHO, Soomaaliya – Dowladda Federaalka ah ee Soomaaliya ayaa shaaca ka dhigtay in ay 73 kiis oo cusub ay kusoo kordheen xaaladaha guud ee caabuqa Corona ee dalka.

Wasaaradda Caafimaadka ayaa xustay in 51 kamida bukaanada cusub ay yihiin rag, 22-da kelana waa dumar; intaas waxaa wehlisa dhimashadda hal qof iyo bogsashada laba qof.

Tani ayaa macnaheedu yahay in tirada guud ee kiisaska Covid-19 ee dalka ay gaartay 237; waxaa muuqaneysa in si maalinleh ay u sii kordheyso tirada, iyaddoo aysan jirin hoos u dhac.

Illo wareedyo ku dhow wasaaradda ayaa u sheegay warsidaha Garowe Online in dhamaan shaqsiyaadka maanta laga helay cudurka ay ku sugan yihiin Muqdisho kana safrin magaalada.

Warar ayaa sheegaya in ay ku jiraan qaar kale oo la kulmay xubno horey u geeriyooday xanuunka safmareenka ah.

Fowziya Abiikar Nuur, wasiirka caafimaadka, ayaa saxaafada u sheegtay in cudurka uu ku dhex-jiro bulshadda isla markaana looga baahan yahay dadka in ay muujiyaan taxadar.

Qaarada Afrika oo ay ku taalo Soomaaliya ayaa kamida meelaha ay dadka ugu nugul yihiin in uu ku laayo Coronavirus, sababo ku aadan qalab, daawo iyo tababar la'aan aad u baahsan.

GAROWE ONLINE

Related Articles

Baarlamaanka Soomaaliya oo doodii ugu dambeysay ka yeeshay Dastuurka

Ajanadaha kulanka maanta ayaa ahaa dib-u-eegista dastuurka marxalada 3-aad.

  • Soomaliya

    28-03-2024

  • 11:23AM

Ururo ka dhisan Marooko oo ku baaqay in la sii daayo muwaadiniin ay Puntland dil ku xukuntay

6-qof oo u dhashay dalka Marooko ayaa laga soo qabtay deegaanada ay ku sugan yihiin Daacish.

  • Soomaliya

    28-03-2024

  • 07:28AM