March 31, 2015 (GO)- Nabadoon caan ahaa ayaa xalay lagu diley degmada Baydhabo ee xarunta gobolka Bay.

Nabadoonkaas oo lagu magacaabi jirey Cali Cabdi Xiidow waxaa xalay saqdii dhexe gurigiisa ugu dhacay dabadeedna toogtey saddex nin oo wejiga soo duubtey.

Weerarka waxaa sidoo kale ku geeriyootey xaaskii nabadoonka oo iyadana lagu magacaabi jirey Xabiibo Cusmaan Aadan.

Dilka nabadoonka weli cid looma soo qaban balse booliska ayaa maanta hawlgal baaritaan ah ka sameeyey qaybo kamid ah magaalada.

Ammaanka Baydhabo ayaa muddooyinkii u dambeeyey soo xumaanayey, waxaana laga soo bilaabo bishii hore ee February degmadaas lagu diley tobannaan qof oo u badnaa culimaa'uddiin iyo waxgarad.

GAROWE ONLINE