Qarax culus oo ka dhacay Muqdisho iyo wararkii ugu dambeeyay

Soomaliya
By Wariyaha Muqdisho , GAROWE ONLINE

MUQDISHO, Soomaaliya - Qarax xoog leh ayaa goordhaw ka dhacay magaaladda Muqdisho, ee caasimadda dalka Soomaaliya kaasi oo noqonaya midkii labaad mudo 24 saacadood gudahooda ka dhacay magaaladda.

Qaraxan oo jugtiisa laga maqlay qeybo badan oo kamid ah degmooyinka gobolka Banaadir ayaa la sheegay inuu ahaa gaari walxaha qarxa lagu soo xiray kaasoo ka dhacay nawaaxiga Isgoyska Dabka.

Goobjooge ayaa u sheegay Warsidaha Garowe Online in qaraxa uu ka dhacay meel ku dhaw Hotel-ka Wehliye oo ku yaalla inta u dhaxaysa Isgoysyada Dabka iyo Sayida ee magaaladda Muqdisho.

Qiiq iyo uuro ayaa cirka isku shareeray qaraxa kadib, iyadoo la maqlay rasaas culus oo la sheegay inay ridayeen ciidamada dowladda oo goobta xiray markii dambe.

Waa qaraxii labaad oo tan iyo xalay ka dhacay Muqdisho, oo mudooyinkii dambe amaankeeda u muuqda mid faraha kasii baxaya, islamarkaana ay kusoo kordhayaan qaraxyada baabuurta loo adeegsado.

Fahfaahin, kala soco wararkeena dambe.

GAROWE ONLINE

Wararkii ugu dambeeyey