Saraakiisha AMISOM oo sheegay mar kale inay Somalia ka baxayaan

Soomaliya

Kampala [GAROWE ONLINE]- Ku simaha wakiilka Midowga Africa ee Somalia ahna masuulka ugu sareeya ee howlgalka AMISOM  Lydia Wanyoto Motend ayaa u sheegtay jaraa'idka kasoo baxaya magalada Kampala New Vision inay ka go'an tahay sidii saraakiisa DF iyo ciidankooda loo tayayn lahaa si ay ugu fududaato inay Somalia ka baxaan 2016.

Haweenaydan ayaa tilmaamtay inay ka go'antahay howlgalka AMISOM inuu Somalia oo dhan ka baxo 2016 oo uu ku eg yahay waqtigooda balse inta kasii horaysa ay xooga saari doonaan sidii ciidanka DF loo bari lahaa sugida Amniga iyo nidaamka ay ugala wareegayaan howlaha lagula dagalamayo kooxda Al Shabab ee xiriirka dhow la leh Al-Qaacida.

Kooxda Al-Shabab ayaa wali dagaalo toos ah iyo qaraxyo ka gaysanaya gudaha magalada Muqdisho kuwaasoo xitaa saamayn ku yeeshay shaqooyinka ay dowladda Xasan Shiikh Maxamuud ka haysay Muqdisho.

Labo jeer ayay kooxdu weerar ku qaadeen xarunta Villa Somalia waxayna gaysteen weeraradaasi dhimasho iyo dhaawac iyadoona kii ugu danbeeyay uu lug ku lahaa ruux ka shaqaynayay xarunta Villa Somalia.

Lydia ayaa sheegay inay tahay dhibka ay qabaan sarakiisha ciidanka  Somalia iyagoo si deg deg ah uga jawaabo waxyaabaha dhacaya taasna ay caqabad ku tahay howlaha socda ee lagu damacsan yahay in lagu soo afjaro kooxda mayalka adag ee Al Shabab.

Al Shabab ayaa laga saaray Muqdisho 2011 ka dib dagaalo culus oo ay ciidanka iyo madaxdii xiligaasi taladd ahaysan ku qaadaan kooxdan oo hadd ku haray qaar ka mid ah gobaladda dalka.

Balse dadka la socda siyaasadda Somalia ayaa sheegaya inay ku adkaan doonta ciidanka DF inay ammaanka la wareegaan 2016 oo ay soo wajahan tahay doorasho la doonaya inay dadwaynaha cadooyeen.

GAROWE ONLINE

Warar la xiriira

Wararkii ugu dambeeyey