Wararkii ugu dambeeyay Qarax ka dhacay Muqdisho

Image

MUQDISHO, Soomaaliya - Fahfaahino dheeraad ah ayaa waxay kasoo baxayaan qarax xoog leh oo caawa fiidkii salaadda maqrib kadib ka dhacay magaalada Muqdisho.

Qaraxan ayaa ahaa mid lagu diyaarinayay guri ku yaalla Xaafada Oodweyne ee degmada deeyniile, isla waxaana uu geystay khasaarooyin dhimasho iyo dhaawac, sida ay dadka deegaanka u xaqiijiyeen GO.

Inta la xaqiijiyay 3 ruux oo ay ku jiraan Canug yar iyo Haweenay kuwaasi oo kamid ahaa dad shacab ah oo ku sugnaa Guriga lagu diyaarinayay qaraxa, iyadoo aan la ogeyn in kuwaasi diyaarinay ay kamid yihiin.

Wararka qaar ayaa sheegaya in khasaaraha dhimashada ay tahay 4 qof, sidoo kalena ay jiraan ku dhawaad 5 kale oo dhaawacyo kala duwan uu kasoo gaarey qaraxan oo ahaa mid culus oo laga maqlay qeybo kamid ah Muqdisho.

Saraakiisha amaanka degmada iyo kuwa Nabad Sugida dowladda ayaa la wareegay Guriga uu qaraxa lagu dhex diyaarinayay, iyadoo wali aan fahfaahin laga bixin natiijada baaritaanka ciidamada ay sameeyeen.

Dadka ku dhawan xaafadda Oodweyne ayaa soo food-saartey casbi xooggan kadib qaraxii caawa, iyadoo Deyniile ay kamid tahay meelaha xubnaha Al Shabaab ay sida aadka ah ugu dhex-dhuumaalaystaan.

GAROWE ONLINE

Related Articles

Baarlamaanka Soomaaliya oo doodii ugu dambeysay ka yeeshay Dastuurka

Ajanadaha kulanka maanta ayaa ahaa dib-u-eegista dastuurka marxalada 3-aad.

  • Soomaliya

    28-03-2024

  • 11:23AM

Ururo ka dhisan Marooko oo ku baaqay in la sii daayo muwaadiniin ay Puntland dil ku xukuntay

6-qof oo u dhashay dalka Marooko ayaa laga soo qabtay deegaanada ay ku sugan yihiin Daacish.

  • Soomaliya

    28-03-2024

  • 07:28AM