War-murtiyeed laga soo saaray kulankii D. Federaalka iyo Somaliland

Image

December 21, 2014 (GO)- War-murtiyeed dhowr qodob ka kooban ayaa laga soo saaray kulan muddo labo maalmood ah qaatay oo Madaxweynaha Soomaaliya Xasan Sheekh Maxamuud iyo Madaxweynaha Somaliland Axmed Maxamed Maxamuud Siilaanyo ku yeesheen magaalo madaxda dalka Jabuuti ee Jabuuti.

Kulanka oo dowladda Jabuuti martigelisey islamarkaana Madaxweynaha Jabuuti Ismaaciil Cumar Geelle ka qayb galay waxaa qodobadii kasoo baxay ugu muhiimsanaa:

  • In la dar dar geliyo wada hadallada labada dhinac waqtina lagu jaan gooyo.
  • In arrimaha siyaasadda ee masiiriga ah lagu dhiirrado lana fuliyo waxyaabihii horay loogu heshiiyey.
  • In laga dhowrsado wax walba oo wada hadallada carqalad gelin kara.
  • In aan la siyaasadeyn deeqaha bini aadamnida iyo mashaariicda horumarinta balse la dhiiri geliyo.
  • In la fuliyo heshiiskii maamulka hawada.
  • In kulammada hadii labada dhinac raali ka yihiin laga soo qayb gelin karo khubaro farsamo iyo dowlado saaxiib ah.
  • In ergooyinka labada dhinac kulanka kan xiga ku yeeshaan magaalada Istanbul ee dalka Turkiga 26/27 January, 2015.

Qodobada kulankan kasoo baxay ayaan wax badan ka duwaneyn kuwii kasoo baxay kulamadii labada dhinac horay u yeesheen.

Waa markii ugu horeysey ee Madaxweynaha Dowlada Federaalka Xasan Sheekh Maxamuud iyo Madaxweynaha Somaliland Axmed Maxamed Siilaanyo kulan rasmi ah wada qaataan.

GAROWE ONLINE

Related Articles

Baarlamaanka Soomaaliya oo doodii ugu dambeysay ka yeeshay Dastuurka

Ajanadaha kulanka maanta ayaa ahaa dib-u-eegista dastuurka marxalada 3-aad.

  • Soomaliya

    28-03-2024

  • 11:23AM

Ururo ka dhisan Marooko oo ku baaqay in la sii daayo muwaadiniin ay Puntland dil ku xukuntay

6-qof oo u dhashay dalka Marooko ayaa laga soo qabtay deegaanada ay ku sugan yihiin Daacish.

  • Soomaliya

    28-03-2024

  • 07:28AM