Wasiiru dowlaha Arrimaha Dibadda Qatar oo warqadaha aqoonsiga danjiranimo ka guddoomay Doodishe

DOHA (GO) - Maxamed Axmed Sheekh Cali Doodishe ayaa maanta oo Sabti ah waxa uu warqadaha aqoonsiga danjiranimo ku wareejiyay Sultan bin Saad Al Muraikhi Wasiiru dowlaha Wasaaradda Arimaha Dibada ee Qatar.

Munaasabadan ayaa ka dhacday xarunta wasaaradda arrimaha dibadda ee caasimadda Qatar, iyadoo ay goob joog ka ahaayeen mas’uuliyiin ka tirsan hab-maamuuska iyo diblomaasiyiin.

Safiirka ayaa yiri: “Waxaan ku faraxsanahay in aan Soomaaliya ku matalo Dowladda Qatar, iyadoo la eegayo xiriirka walaaltinimo ee labada dal, waxaana ka shaqeynaya xoojinta xiriirka walaaltinimo ee ka dhexeeya labada dal.”

Wasiiru dowlaha Arrimaha Dibadda ee Qatar ayaa u rajeeyay Safiirka cusub ee Soomaaliya in uu ku guuleysto xilka loo igmaday, si ay u xoojiyaan xiriirka walaaltinimo.

GAROWE ONLINE