Siilaanyo oo hambalyo u diray Ethiopia

Image

HARGAYSA, Somaliland- Madaxweynaha maamulka Somaliland ayaa hambalyo u diray waddanka Ethiopia oo maanta u dabaal dagaya 26 sano guuradii kasoo wareegtay markii ay ka baxeen xukunkii Miletariga.

Qoraalkan oo ku saxiixanyahay Agaasimaha Warfaafinta ee Madaxtooyada Somaliland, ayaa lagu sheegay in Madaxweyne Siilaanyo oo ku hadlaya afka shacabka iyo xukuumadda uu farxadda la qaybsanayo dowladda Ethiopia xuska Ginbot.

 "Mudane Axmed Maxamed Silaanyo isaga oo ku hadlaya afka shacbiga Somaliland iyo ka qaranka Jamhuuriyadda Somaliland, waxa uu dhambaal hambalyo ah u dirayaa dalka aynu walaalaha iyo jaarkaba nahay ee Itoobiya iyo shacbi weynaha dalkaas,” Ayaa lagu yiri qoraalka.

Waxaa lagu sheegay in labada xukuumadood ka simanyihiin dhinaca xorriyada maadama ay ka xoroobeen xukunkii Milateriga.

“Marka laga yimaado xidhiidhka saaxiibtinimo, iskaashiga nabadgelyada, ganacsiga, iyo deris wanaaga ee Itoobiya inaga dhexeeya waxa hubaal ah oo aynu wadaagnaa taariikh ma guurto ah oo ah in aynu isku wakhti ama rubuc qarniba aynu wada xusaynay taariikh mataano ah oo shacbiga labada dal ay kaga hoos baxeen gacantii keli talisnimada ee militeriga ahayd ee Mingiste Hailemariam iyo Maxamed Siyaad Barre oo ay hadda ka soo wareegtay 26 sanno markii xukunka laga tuuray," Sidaas waxaa lagu sheegay qoraalka Somaliland kasoo baxay.

Xiriirka Ethiopia iyo Somaliland ayaa aad u wanaagsan kadib markii Saami laga siiyay Dekedda Ber-bera, waxaana hambalyadan kusoo aadaysaa Xilli xukuumadda Hargaysa ay sheegtay inay ka go’day Somalia inteeda kale.

GAROWEONLINE

Related Articles

Maamulka Somaliland oo Itoobiya kala hadlay muran-xuduudeedka kala dhaxeeya SSC-Khaatumo

Labada dhinac ayaa ka wada hadlay sidii kor loogu qaadi lahaa iskaashiga dhinaca ammaanka.

  • Somaliland

    04-03-2024

  • 02:11PM

Itoobiya oo u dhaqaaqdey fulinta heshiis beenaadkii Somaliland

Talaabadan ayaa waxa ay kusoo aadaysaa xilli Ra'iisul Wasaaraha Itoobiya Abiy Axmed uu ku sugan yahay Kenya halkaas oo uu kawado olole xoogan.

  • Somaliland

    28-02-2024

  • 04:51AM