​Somaliland oo ka hadashay hakinta dhoofka Xoolaha

Image

HARGAYSA, Somaliland- Maamulka Somaliland ayaa ka hadlay go'aan Boqortooyada Sacuudigu ku joojisay xoolihii uga imaan jiray dalka Somalia, kadib markii la sheegay inay xanuunsanyihiin.

Wasiirka xannaanada Xoolaha Somaliland, Cabdillaahi Maxamed Daahir (Cukuse), ayaa warbaahinta u sheegay inaysan xoolahooda ku ogayn xanuun saamayn ku yeelan kara dhoofka, isagoo intaas ku daray inay leeyihiin hay'ado qaabilsan fayo dhowrka iyo bad-qabka duunyada nool ee dalka dibadiisa loo safriyo.

Cukuse, ayaa intaas ku daray in go'aanka kasoo baxay Boqortooyada Riyaad saamayn ku leeyahay dalka Somalia iyo guud ahaan deegaanada Somalidu dagto isagoo hadalka u dhigayay inaysan dhinacooda wax raad ah ku yeelan doonin.

“Xoolaha la hakiyay waa xoolihii Soomaalida waa guud ahaan dhulka Soomaaliyeed ee toos xoolaha looga soo dhoofinayay..Anaga Xoolaheenu ma qabaan wax xanuun ah,”Sidaas waxaa yiri wasiir Cukuse.

Wasiirku ma sheegin in waraaqadda hakinta iyaga loo soo diray iyo in kale, maadama xoolaha ugu badan laga dhoofiyo dekedaha waddanka oo ay ku jirto Ber-bera.

Todobaadkii hore qoraal loo gudbiyay dowladda Federaalka Somalia, ayaa lagu sheegay in boqortooyada Sacuudigu joojisay Xoolihii uga imaan jiray Somalia sababo caafimaad, waxaana sida Somaliland beeniyay arrinkaasi wasiirka Xannaanada Xoolaha Somalia Siciid Xuseen Ciid.

GAROWEONLINE

Related Articles

Maamulka Somaliland oo Itoobiya kala hadlay muran-xuduudeedka kala dhaxeeya SSC-Khaatumo

Labada dhinac ayaa ka wada hadlay sidii kor loogu qaadi lahaa iskaashiga dhinaca ammaanka.

  • Somaliland

    04-03-2024

  • 02:11PM

Itoobiya oo u dhaqaaqdey fulinta heshiis beenaadkii Somaliland

Talaabadan ayaa waxa ay kusoo aadaysaa xilli Ra'iisul Wasaaraha Itoobiya Abiy Axmed uu ku sugan yahay Kenya halkaas oo uu kawado olole xoogan.

  • Somaliland

    28-02-2024

  • 04:51AM