Koonfur Galbeed oo la Saftay Xulufada Sacuudiga iyo Imaaraadka

Image

BAYDHABO, Somalia - Maamulka Koonfur Galbeed Somaaliya, ayaa maanta oo Isniin ah ku dhawaaqay inuu la saftay Sacuudiga iyo Xulufadiisa, oo 5-tii bishii June xiriirkii u jaray dowladda Qadar.

War Saxafaadeed kasoo baxay Xafiiska Madaxweynaha Koonfur Galbeed Somaaliya ayaa lagu shaaciyay go'aankan, oo kusoo beegmaya xilli dowladda Federaalka ay meel dhex-dhexaad ah iska taagtay Khilaafka u dhaxeeya dalalka Khaliijka Carabta.

Konfur Galbeed ayaa sheegtay in Dowladda Federaalka aysan wada-tashi kala sameyn Maamul Goboleedyada iyo Shacabka Soomaaliyeed Go'aankii dhex-dhexaadka ahaa ee ay ka qaadatey xisaada diblomaasiyadeed ee ka taagan Khaliijka.

Koonfur Galbeed ayaa xustay in Somaaliya xiir qoto dheer oo taariikhi ah kala dhexeeyo Sacuudiga iyo Imaaraadka Carabta, sidaasi darteedna aysan dhex-dhexaad ka noqon karin Khilaafka kala dhaxeeya Qadar.

Qoraalka ayaa lagu sheegay in Dalalka Sacuudiga Imaaraadka carabta uu la leeyihiin Somaaliya Xiriir qarniyo soo jeetamayay, oo ku qotama dhaqanka iyo Ganacsiga, kaasi oo 20-sano ee lasoo dhaafay sii xoogaystay.

Koonfur Galbeed waxay kaloo tilmaantay in labadan dalka ay Somaaliya garab istaageen xilliyadii adkaa ee Abaaraha iyo Colaadda ay jireen, oo kaalmooyin bini'aadanimo siinayeen shacabka.

Go'aankan ayaa soo baxay kadib markii dhawaan Madaxweynaha Koonfur Galbeed Shariif Xasan uu booqasho ku tagey dalka Imaaraadka Carabta, oo kulamo kulas oo qaatey mas'uuliyihiin katirsan dalkaasi.

Waa maamulkii labaad oo qaata go'aan uu kula safanayo Sacuudiga iyo Xulufadiisa, iyadoo dowladda dhexe ay dhex-dhexaad ka noqotay khilaafka wadamada Khaliijka, oo soo billowday 5-tii bishii June.

Maamul Puntland ayaa la safatay bishii August Sacuudiga iyo Imaaraddka, iyagoo ku taageeraya muranka kala dhaxeeya dalka Qadar.

Hoos ka Akhriso War Saxaafadeedka oo Luuqada Ingiriiska ku qoran;

GAROWEONLINE

Related Articles

Baarlamaanka Soomaaliya oo doodii ugu dambeysay ka yeeshay Dastuurka

Ajanadaha kulanka maanta ayaa ahaa dib-u-eegista dastuurka marxalada 3-aad.

  • Soomaliya

    28-03-2024

  • 11:23AM

Ururo ka dhisan Marooko oo ku baaqay in la sii daayo muwaadiniin ay Puntland dil ku xukuntay

6-qof oo u dhashay dalka Marooko ayaa laga soo qabtay deegaanada ay ku sugan yihiin Daacish.

  • Soomaliya

    28-03-2024

  • 07:28AM