Hogaamiye mucaarad oo hees ku dhaliilay madaxwayne

Bobi Wine ayaa hoosta k xariiqay in uu sii laba-jibaari doono ololihiisa.

KAMPALA, Uganda - Hoggaamiyaha mucaaradka Uganda ahna muusikiiste Bobi Wine ayaa soo saaray hees cinwaankeedu yahay Ogenda, oo ah eray Luganda ah oo si dabacsan ugu macno ah "Waxaad dhici doontaa".

"Heestan ayaa si toos ah loogu sameeyay dhegaha Madaxweyne Yoweri Museveni, sababtoo ah waxa uu ka jeestay in uu dalka ku soo dabaalo dimuqraadiyad," ayuu yiri.

Bobi Wine ayaa u sheegay barnaamijka Focus on Africa ee BBC in uu soo bandhigo dambiyada uu galay nidaamka madaxweynaha "waana sababta sawirada foosha xun loo adeegsaday muuqaalka".

"Maamulka Uganda waxa uu geliyey lacag aad u badan si uu u qariyo xad-gudubyada," ayuu hadalkiisa ku daray isaga oo adkeeyay in uu sii laba-jibaari doono ololaha uu waddo.

Wine oo hadalkiisa sii wata ayaa wuxuu hoosta ka xariiqay in warbaahinta Uganda ay tahay mid liidata oo sida kaliya ee lagu soo bandhigi karo "quranka" ay tahay muusigga.

"Caddaaladu waxay dhici kartaa oo kaliya marka aan soo bandhigno dambiyada, taas waa sababta aan u sii wadeyno soo gudbinta, taasi waa habka kaliya ee aan ula dagaallami karno," ayuu kusoo xiray hadalkiisa.

GAROWE ONLINE