Itoobiya oo meesha ka saartey wadahadalo ay ka furto TPLF

ADDIS ABABA, Ethiopia - Wasiirka dimuqraadiyadda Itoobiya, Zadig Abraha, ayaa meesha ka saarey wadaxaajoodyo ay la galaan hogaanka jabhadda ka dagaalameysa gobolka Tigray.

Ismaamulkan boqolaal ayaa lagu dilay, kumanaan kalana lagu qasbay in ay ka barakacaan guriyahooda tan iyo markii dagaalku ka qarxay ismaamulka bishii November ee sanadkii lasoo dhaafay.

Dhanka kale, Ra'iisul wasaare Abiy Ahmed, oo ku labisan dareeska ciidanka, ayaa booqday goobta dagaalka ee gobolka Afar, wuxuu kormeeray xarunta hawlgalka diyaaradaha aan duuliyaha lahayn ee garoonka Semera.

Kormeerkan ayaa wuxuu kusoo aadayaa iyada oo ay jiraan warar aan la xaqiijin oo sheegaya in diyaaradaha Turkiga/Shiinaha ee ka qaybqaata dagaalka ka dhanka ah ciidamada Tigray.

Geesta kale, Jabhadaha Oromada ayaa sheeganaya inay qabsadeen dhowr magaalo, tuulooyin ku yaal Aagga Guji ee gobolka Oromiya kadib markii ay isku dhaceen militariga Itoobiya.

Arrimahan ayaa kusoo beegamaya iyadda oo xukuumadda Addis Ababa ay hay'addo samafal kuna jirto MSF ay ka joojisay in ay ka howlgasho gobolo kan Soomaalida kamid yahay saddex bilood.

Maamulka Abiy ayaa ku eedeeyay hay'adahan gargaarka in ay taageerayaan kooxda ay dagaalka ku jirto. Balse, hay'adduhu waxay gaashaana ku dhufteen sheegashooyinka dowladda federaalka. 

GAROWE ONLINE