Mareykanka oo $300 milyan ugu deeqay dowladda Itoobiya
-
WARIYAHA AFRIKA GAROWE ONLINE
- Posted On 16-03-2023, 04:35AM
ADDIS ABABA, Ethiopia - Waaxda Arrimaha Dibadda ee Maraykanka iyo Hay’adda Horumarinta Caalamiga ah ee Maraykanka (USAID) ayaa in ka badan 331 milyan oo doollar oo gargaar ugu deeqay Itoobiya.
Taakuladan ayaa waxaa loogu talagalay wax ka qabashadda arrimaha bini'aadantinimada ayaa la bixin doonaa sannad-maaliyadeedka 2023, sidda ku xusan war-saxaafadeed rasmi ah.
"Lacagtan ayaa gacan ka geysan doonta taageeridda dadka ay saameeyeen colaadaha, abaaraha, iyo cunto yarida dalka oo dhan," ayaa la raaciyey bayaankan oo kasoo baxay wasaaradda arrimaha dibadda
Mucaawinadan ayaa isugu jirta $12 milyan oo ay ka timid Xafiiska Wasaaradda Arrimaha Dibadda ee Dadweynaha, Qaxootiga, iyo Socdaalka iyo in ka badan $319 milyan oo ay ka heshay USAID.
"Tani waxay ka dhigeysaa wadarta guud ee gargaarka bini'aadantinimo ee Mareykanka ee gobolka in ka badan $780 milyan sanad maaliyadeedka 2023," ayaa la raaciyey qoraalka.
Maaddaama uu yahay dalka ugu weyn ee Itoobiya ay ka heshay deeqaha bini'aadantinimada ugu weyn, Ameerikaanka ayaa doonaya in uu dib u soo celiyo saameyntiisa gobolka Geeska Afrika.
"Shaacintan ayaa hoosta ka xariiqaysa sida ay uga go’an tahay Maraykanka xoojinta iskaashiga Afrika, wuxuuna sii wadi doonaa taageeridashacabka Itoobiya ee la kulmaya caqabado kala duwan," ayaa lagu soo xiray.
GAROWE ONLINE
