Adaanka Salaada oo markii ugu horeysay laga maqlay magaalada Palermo ee dalka Talyaaniga 8 qarni ka dib

Adaanka ayaa laga sii daayay Masjidka ku yaala Talyaaniga oo markiisa hore ahaa Kaniisad.

Palermo (GO) - Muuqaal lagu faafiyay baraha bulshada ayaa muujiyay adaanka salaadda oo laga sii daayay Masjidka “Jamhuuriyadda Tunisiya” ee ku yaala magaalada Palermo ee dalka Talyaaniga markii ugu horreysay muddo 8 qarni ah.

Codka Adaanka Salaada Maqrib ee laga daayay Masjidka ayaa lahaa sheekhii geeriyooday ee Tuniisiya Cali Al-Buraaq.

Mar sii horeysay Sheekh Badri Al-Madani oo ah imaamka masjidka ku yaala magaalada Palermo ee dalka Talyaaniga ayaa wareysi uu siiyay idaacada Jawhara FM waxa uu ku sheegay in Adaanka salaada looga yeeri doono masjidka, ka dib in ka badan 800 oo sano oo uu hakad ku jiray.

Al-Madani waxa uu ku macneeyay in adaanka Salaada marka hore lagu soo koobi doono oo kaliya Salaada Maqrib iyo Cisha iyo Jimcaha.

Masjidkan ayaa markiisa hore ahaa Kaniisad qadiimi ah, in ka badan 1000 ka hor, ka dibna lagu wareejiyay Jaaliyadda Tuuniisiya ee ku nool dalkaa 1990-kii.

GAROWE ONLINE