Al-Burhaan oo soo gaaray Cumdurmaan ka dib markii ay ciidamadu la wareegeen xarunta idaacadda & telefishinka

Image
Ciidamada Sudan ayaa la wareegay gabi ahaan Umdurman oo ah magaalada labaad ee ugu weyn dalkaas.

Khartoum (GO) - Taliyaha Ciidamada Sudan Abdel Fattah Al-Burhan, ayaa maanta gaaray magaalada Umdurman ka dib markii ay ciidamadu la wareegeen xarunta idaacadda iyo telefishinka.

Wariye ka tirsan telefishinka Al-Carabiya ayaa xaqiijiyay in ciidamada Sudan ay la wareegeen gabi ahaan magaalada, kadib markii ay gudaha u galeen xarunta idaacadda iyo telefishinka oo saldhig u ahayd Ciidamada Taageerada degdeg ah RSF.

Ciidamada Qalabka Sida ee Suudaan ayaa sheegay in ay fashiliyeen, aroornimadii hore ee saakay isku day ay sameeyeen ciidamada Taageerada degdega ah si ay uga baxsadaan go’doominta ay ku soo rogeen ciidamada qalabka sida.

War saxaafadeedka ka soo baxay xafiiska afhayeenka ciidamada ayaa intaa ku daray in inta badan ciidamadii baxsadka ahaa laga daba tagay, lana burburiyay.

Dhanka kale, Maraykanka ayaa sheegay in labada dhinac ee iskahorimaadku dhexmaray ay galeen dambiyo dagaal. Qaramada Midoobay ayaa sidoo kale sheegtay in ku dhawaad ​​25 milyan qof oo u dhigan kala bar dadka Sudan ay u baahan yihiin gargaar degdeg ah.

GAROWE ONLINE

Related Articles

Japan oo 300 oo Heshiis La Gashay Afrika: Iskaashi Taariikhi ah oo Ka Dhashay Shirka TICAD9

Heshiisyadan ayaa diiradda saaraya dhinacyo muhiim ah oo horumarineed sida: kaabeyaasha dhaqaalaha, caafimaadka.

  • Caalamka

    24-08-2025

  • 05:05AM

Australia iyo Israel oo Isku Dhacay kadib Markii Netanyahu aflagaadeeyay Anthony Albanese

Netanyahu ayaa si caro leh uga falceliyay, isagoo ku eedeeyay Albanese inuu “ka tegey Yuhuudda Australia.”

  • Caalamka

    20-08-2025

  • 05:55AM