Aqalka Kremlin-ka oo kordhiyey tuhun ku gedaaman Putin

Warbaahinta Ruushka ayaa si weyn u qaadaadhigaysa qodobkan xasaasiga ah.

WASHINGTON, USA - Aqalka Kremlin-ka ayaa Isniintii maanta ah waxa uu ka gaabsadey in uu xaqiijiyo in madaxweyne Vladimir Putin uu mar kale isa-soo-sharaxi doono sanadka 2024-ka.

Sanadkaas ayaa ah marka uu dhamaanayo muddo xileedka Putin. Afhayeen u hadlay guriga looga taliyo Ruushka ayaa sheegay in aan wax war ah laga soo saarin arrintan.

Warbaahinta Ruushka ayaa si weyn u qaadaad-dhigaysa qorshayaasha Putin ee 2024, markaas oo la filayo doorasho cusub ay sababo ku aadan xeerarka dastuuriga ah ee Ruushka.

"Madaxweynuhu wax hadal ah kama soo saarin arrintan," afhayeenka Kremlin-ka Dmitry Peskov ayaa yiri mar la weydiiyay in Putin uu qorsheynayo inuu u tartamo muddo xileed cusub.

Ururada xuquuqul insaanka, kormeerayaasha madaxa banaan iyo dawladaha reer galbeedka ayaa sheegaya in doorashada Ruushku aanay ahayn mid xor ah ama xalaal ah.

Putin ayay ku eedeeyeen afgambiyay nidaamka dastuuriga ah isla markaana uu masaafuriyay ama uu xiray dhammaan mucaaradka waaweyn ee gudaha in ka badan labaatan sano oo uu xukunka hayay.

Waxaa sidoo kale jiray eedeymo baahsan oo ku saabsan alaabada codbixinta oo ay Kremlin diiday in ay ka hadasho. Putin ayaa ayaa hogaaminta Ruushka ku qaabeeyay joogitaankiisa.

GAROWE ONLINE