Biden oo su'aal ka keenay tirada lagu dhawaaqay ee dhimashada Falastiiniyiinta
-
GAROWE ONLINE XAFIISKA MUQDISHO
- Posted On 26-10-2023, 05:24AM
WASHINGTON - Madaxweynaha Maraykanka Joe Biden ayaa sheegay in uusan ku kalsoonayn saxnaanshiyaha tirada ay ka shaaciyeen Falastiiniyiintu ee dadka ku dhintay Qasa.
Biden ayaa yiri: "Ma aaminsani in Falastiiniyiintu ay runta ka sheegayaan tirada dhimashada," isaga oo tixraacaya Wasaaradda Caafimaadka ee ka shaqeysa Marinka.
Wuxuu intaas ku daray: "Laakiin waxaan hubaa in dad aan waxba galabsan la laayay, waana qiimaha dagaalka."
Madaxweynaha Mareykanka ma uusan sharaxin sababta uu uga shakisan yahay tirada dhimashada ay ku dhawaaqeen Falastiiniyiinta.
GAROWE ONLINE
