Ciidamada Yahuuda oo wiil dhalinyaro ah Falastiini toogasho ku dilay

Isxaaq Xamdi Ajlouni, oo 17 jir ah, ayaa kahor inta aan la khaarijiyey xabadeeyay kontarool ciidan.

DOOXA, Qadar - Wiil dhalinyaro ah oo Falastiini ah ayaa dhiig bax u dhintay kadib weerar ka dhacay Koontoroolka ciidamada Qalandia ee Daanta Galbeed ee la haysto, sida ay sheegtay wakaalada wararka Falastiin ee Wafa.

Isxaaq Xamdi Ajlouni, oo 17 jir ah, ayaa waxaa toogtay ciidamada Israel, ka dib markii uu rasaas ku furay koontaroolka Sabtidii, iyadoo uu dhaawac fudud ka soo gaaray askari ilaalo ahaa, sida ay sheegtay wakaaladda.

Guutada Shuhadada Al-Aqsa ayaa sheegtay in uu xubin ka yahay Aljouni. Kooxdu waa garabka hubaysan ee Fatah - dhaqdhaqaaqa maamulka Falastiiniyiinta, kaas oo u taagan bixitaanka Yahuuda.

"Dagaalyahannadeenna geesiyaasha ah… waxay awoodeen inay si toos ah u beegsadaan askarta [Israa'iil] ee ku sugan barta koontarool ee Qalandia," ayay Guutada Shuhadada Al-Aqsa ku sheegeen bayaan.

Booliska ayaa intaas ku daray in ninka dhalinyarada ah oo ka soo jeeda xaafadda Kufr Aqab oo dhanka waqooyi kaga beegan koontaroolka, uu toogashada u adeegsaday qoriga M-16.

Kontaroolka Qalandia ayaa ah albaabka ugu weyn ee ay isticmaalaan Falastiiniyiinta inta u dhaxeysa bariga Quddus ee la heysto iyo Ramallah, oo ah xarunta maamulka Falastiin ee Daanta Galbeed.

Rabshado ayaa hareeyay Daanta Galbeed usbuucii la soo dhaafay tan iyo markii ciidamada Israel ay gudaha u galeen xerada qaxootiga ee Jenin si ay u xiraan laba tuhmane Isniintii waxaana falkaas ka dhashay gadood ciidan.

GAROWE ONLINE