Daadadkii ku dhuftay Liibya: Magaalo lagu qiyaasay dadkii ku dhintay 20 Kun oo qof
-
GAROWE ONLINE XAFIISKA MUQDISHO
- Posted On 14-09-2023, 06:47AM
DERNA, Liibya - Duqa magaalada Derna, Cabdulmuncim Al-Ghaithi, ayaa sheegay Arbacada in tirada dadka ku dhintay magaalada kadib daadadkii ku dhufatay Liibiya ay ka badan karto 20,000 oo qof.
Al-Ghaithi oo la hadlay warbaahinta ayaa ka hadlay heerka uu gaarsiisan yahay burburka soo gaaray magaalada ku taalla bariga Liibiya, taasoo ka dhalatay daadadka ay sababtay duufaanta “Daniel”.
Mas’uulka ka tirsan maamulka magaalada ayaa sidoo kale xaqiijiyay in xaaladda magaalada Derna ay aad u adagtahay, isaga oo yiri:
"Tirada dhimashada waxay dhaafi kartaa 20,000, marka la eego tirada dadka ku nool meelaha ay dhibaatadu saameysey."
GAROWE ONLINE
