Dalalka lacagahooda badali doona kadib geerida Elizabeth II

Image
Sawirka boqoradda ayaa la filayaa in lagu beddelo kan King Charles III, laakiin ma noqon doonto isla markiiba.

LONDON, United Kingdom - Boqorad Elizabeth II ayaa sawirkeedu ku xardhanaa lacagaha 33 waddan oo ku yaala dunida daafadeeda si ay u xasuusiso saameynta gumeysiga ee Boqortooyada UK.

Boqortooyada Ingiriiska ruuxadeeda, Kanada, Australia, New Zealand iyo dalal kale oo Afrikaan ah ayaa kamid ah kuwaasoo haatan ku qasbanaan doona in ay badalaan lacagtooda.

Sawirka boqoradda ayaa la filayaa in lagu beddelo kan King Charles III, laakiin ma noqon doonto isla markiiba. Sanado ayay qaadan doontaa in isbadalkan uu ka dhaco wadamadan.

Laakiin taasi macnaheedu maaha lacagahan aysan haatan shaqeyn doonin - way shaqeeyaan. Haddaba maxaa dhacaya kadib geerideeda boqoradda ee todobaadkan?

"Lacagaha hadda jira ee muujinaya sawirka boqoradda sharafta badan waxay sii ahaan doonan hindise sharci ah ahaan," ayaa lagu yiri qoraal kasoo baxay Bank of England.

Bangiga Kanada ayaa dhankiisa wuxuu sheegay in lacag-bixinteeda hadda 20-ka dollar ah, oo ka samaysan polymer synthetic, loogu talagalay "inay wareegto sanadaha soo socda".

"Ma jirto wax shuruud ah oo sharci-dejin ah oo lagu beddelayo naqshadda muddada loo cayimay marka Boqortooyada ay isbedesho," ayuu Bank of Canada ku yiri war-saxaafadeed uu soo saarey.

Boqorad Elizabeth II waxay markii ugu horeysay ka soo muuqatay lacag markii ay weli amiirad ahayd. Taasi waxay ahayd 1935-kii, markii lacagta 20-ka doollar ee Kanada iyadda oo waliba siddeed jir ah.

GAROWE ONLINE

Related Articles

In ka badan 160 qof oo weli la la’yahay kaddib fatahaado ka dhacay Texas

Biyaha xooggan ayaa si lama filaan ah u dhex maray xerada, iyadoo ay jiiteen guryaha jiingadaha ah ee dadka hurday.

  • Caalamka

    09-07-2025

  • 05:17AM

Madaxweyne Trump oo Sheegay in Maraykanka uu Wadahadallo la Yeelanayo Iran

Wadahadalladii lixaad ee u dhexeeyay Maraykanka iyo Iran ayaa loo qorsheeyay inay dhacaan 15-kii Juun.

  • Caalamka

    08-07-2025

  • 11:58AM