Dalkii ugu horeeyay oo ku dhawaaqay maalinta curashada bisha Ramadaan

Dalkan ayaa looga dhawaaqay in maalinta Talaadada ah ay tahay maalinta 1-aad ee bisha Ramadaan.

Canberra (GO) - Golaha Fatwada ee dalka Australia ayaa si rasmi ah ugu dhawaaqay in maalinta Talaadada ah ee March 12 ay tahay maalinta koowaad ee bisha Ramadaan ee dalka Australia.

Golaha Fatwada ee dalka Australia ayaa bayaan uu soo saaray ku sheegay in maalinta Isniinta ah ay ku beegan tahay bisha Shacbaan, isla maalintaas kadib qorrax dhaca ay tahay habeenka koowaad ee bisha Ramadaan iyo oogidda salaadda taraawiixda.

Xarunta Cilmiga Xiddigiska ee Caalamiga ayaa ku daabacday barta"X": "Muftiga Australia, Golaha Imaamyada Federaalka, iyo Golaha Fatwada ee Australia waxay si rasmi ah u shaaciyeen in Isniinta ay tahay Dhammaystirka bisha Shacbaan, iyadoo maalinta Talaadada ah ee March 12, ay tahay maalinta koowaad ee bisha barakeysan."

GAROWE ONLINE