Diyaarado dagaal oo hor leh oo ku duulaya agagaarka Taiwan
-
GAROWE ONLINE XAFIISKA MUQDISHO
- Posted On 18-09-2023, 05:00AM
TAIPEI, Taiwan - Wasaaradda Difaaca ee Taiwan ayaa ku dhawaaqday – maanta oo Isniin ah – in ay la socdeen 24-kii saac ee la soo dhaafay duullimaadyada 103 diyaaradaha dagaalka ee Shiinaha kuwaas oo ku duulaya hareeraha jasiiradda.
Wasaaraddu waxay ku sheegtay bayaan ay soo saartay in 103 diyaaradood iyo 9 markab oo ay leeyihiin Ciidanka Shiinaha lagu arkay agagaarka Taiwan intii u dhaxaysay shalay ilaa subaxnimadii Maanta.
Beijing ayaa Taiwan u aragta qayb ka mid ah dhulkeeda, waxayna xaqiijisaa inay doonayso inay dib ugu soo ceshato, xitaa haday u adeegsto xoog iyo awood militari.
Xiriirka labada dhinac ayaa xumaaday 2016-kii markii ay xukunka la wareegtay Madaxweynaha Taiwan Tsai Ing-wen, oo taageersan madax-bannaanida jasiiradda.
GAROWE ONLINE
