Elon Musk oo booqday goobaha ay XMS weerareen 7dii October
-
GAROWE ONLINE XAFIISKA MUQDISHO
- Posted On 27-11-2023, 02:51PM
WASHINGTON (GO) - Bilyaneer-ka Mareykan-ka ah Elon Musk ayaa Maanta la kulmay Ra’iisul Wasaaraha Israa’iil Benjamin Netanyahu, waxayna kormeereen goobihii ay weerareen Xamaas 7-dii October.
Musk, oo ah milkiiliha mdasha "X" ayaa sidoo kale la qorsheeyay inuu la kulmo madaxweynaha Israel Isaac Herzog.
Dowladda Israa'iil ayaa sidoo kale ku dhawaaqday in ay mabda'a ahaan kula heshiisay Musk inay isticmaasho adeegga isgaarsiinta ee "Starlink", oo ay bixiso shirkadda "SpaceX" ee uu leeyahay.
Eedeymaha Yahuud nacaybka ayaa loo jeedinayay Musk dhowrkii maalmood ee la soo dhaafay, ka dib markii qoraallo lagu taageerayo Hitler iyo Naasiyiinta ay ka soo muuqdeen Madasha "X".
GAROWE ONLINE
