Golaha ammaanka oo hanjabaad kasoo saarey xaalka Tigray

NEW YORK, USA - Golaha Amniga ee Qaramada Midoobay ayaa xalay wuxuu yeeshay kulankii ​​ugu horreeyay oo furan kaasoo lagu falanqeeyay arrimaha ka taagan gobolka waqoyga dalka Itoobiya dhaca ee Tigray.

Iyadoo macaluushii ugu xumeyd ay soo food saartay isla markaana la jaray wadadii loo mari lahaa gargaarka bini'aadanimo, UNSC ayaa qaadaya talaabooyin lagu yareynayo qalalaasaha ka oogan ismaamulka.

Mona Juul, erayga Ireland ee Jamciyada Qurumaha Ka Dhaxeys ayaa ka dhawaajisay in dalkeeda uu aad uga walaacsan yahay xaalada jirta, waxaana ay cod dheer ku baaqdey in si deg-deg ah loo gaaro xabad-joojin.

"Waxaan maanta u yeelanay kulankaan maxaa yeelay wuxuu caddeeyay in masiibo bani'aadamnimo ay maanta ka dhaceyso Tigray, ficilkeenu waa mid waqtigiisii ​​dhaafay," ayay Amb Byrne Neson intaas ku dartay. "Cawaaqib xumada ka dhalan karta ficil la'aanta ay tahay qabow iyo waliba wax la saadaalin karo oo dhan".

Diblumaasiyada ayaa tibaaxdey "Joogitaanka joogtada ah ee ciidamada Eritrea ee Tigray waxay khatar ku tahay nabada gobolka iyo xasiloonida waxaana ugu baaqeynaa inay si deg deg ah uga baxaan. U yeer xabbad-joojin joogto ah iyo marin-u-helid bani'aadamnimo oo aan hor istaagin waxay sidoo kale u adeegaysaa deganaanshiyaha aan hadda la haysan".

Danjireyaal kale oo ka hadlay madasha kana mid yihiin safiirada Mareykanka iyo Shiinaha ayaa adkeeyay in talaabo laga qaado xaaladda, waxaana ay ku goodiyeen in ficilkooda uu soo deg-degi doono.

Kulanka uu Golaha ammaanka ka yeeshay qadiyada gobolka Tigray ayaa kusoo aadaya xilli xoogaga TPLF ay dib u hanteen magaalooyin dhowr ah oo ay ku jirto caasimada Maqale ayna diideen xabad-joojinta Dowlada.

Ciidamada Difaaca Tigray ayaa waddooyinka Maqale kusoo bandhigay "maxaabiis dagaal". Geesta kale, dadwayne isugu soo baxay jidadka magaala madaxda ismaamulka waxay ku ooriyeen maxaabiista.

Ra'iisul wasaaraha Itoobiya, Abiy Axmed Cali oo hadlay Talaadadii todobaadkii lasoo dhaafay, ayaa wuxuu "been" ku sifeeyay in la jabinta ciidanka Itoobiya, wallow uusan tilmaamin qorshe duulaan soo rogaal celin ah.

GAROWE ONLINE