Kulan qarsoodi ah oo dhexmaray hogaanka Urdun iyo Israel

Kulankaas oo ahaa mid aan hore loo sii shaacin ayaa daaranaa dib-u-hagaajinta xiriirka diblomaasiyadeed ee labada dal.

AMMAN, Urdun - Madaxweynaha Israa’iil, Isaac Herzog, ayaa wuxuu shaaca ka qaaday inuu Amman kula kulmay Boqor Cabdallaha Labaad ee Urdun, kulankaas oo ahaa mid aan hore loo sii shaacin oo daaranaa dib-u-hagaajinta cilaaqaadka diblomaasiyadeed ee labada waddan.

"Toddobaadkii hore waxaan la kulmay oo aan wada sheekeysi dheer la yeeshay boqorka Urdun, waxaan joogay qasrigiisa, habeen dhan. Waxay ahayd kulan aad u wanaagsan," ayuu Herzog ku sheegay muuqaallo laga soo duubay wareysi laga sii daayay telefishanka Israel Sabtidii.

Wareysiga oo dhan ayaa la qorsheynayaa in la baahiyo Axadda maanta ah, oo ay ku beegan tahay sannadka cusub ee Yuhuudda oo bilaabmaya fiidnimada Isniinta.

"Jordan waa dal aad muhiim u ah. Waxaan ixtiraam weyn u hayaa King Abdullah, hoggaamiye weyn iyo jilaa heer gobol ah oo aad muhiim u ah," ayuu Herzog ku yiri bayaan uu soo saaray xafiiskiisa

Kulanka ayaa ka dhacay qasriga King Abdullah, iyadoo labada hoggaamiye ay ka wada hadleen arrimo siyaasadeed iyo dhaqaale oo is -xigxiga oo ay ka mid yihiin tamarta iyo joogtaynta, sida lagu sheegay bayaanka.

Waxay ka hadashay "kulan diirran, oo lagu qabtay casuumadda boqorka", inta lagu gudajiray labadaas waxay ka wada hadleen "arrimaha istiraatiijiga ah ee qoto dheer." ayuu tibaaxay.

Xiriirka Israa’iil iyo Urdun ayaa  xumaaday muddo xileedkii Benjamin Netanyahu, oo dadka dhaliila ay ku eedeeyeen inay dayaceen boqortooyadii Hashem iyagoo doorbiday inay aqbalaan inay caadi ka dhigaan xiriirkii sannadkii hore Imaaraadka Carabta, Baxrayn, Suudaan iyo Marooko.

GAROWE ONLINE