IMF oo ka digtay "khatar" kusoo fool leh dhaqaalaha aduunka

Image
Halistan ayay sheegtay in ay ka dhalan doonto dagaalka Ruushka ku qaadey Ukraine.

WASHINGTON, USA - Sanduuqa Lacagta Adduunka (IMF) ayaa Sabtidii wuxuu cod dheer kaga digay "saameyn halis ah" oo kusoo fool leh dhaqaalaha adduunka sababtoo ah dagaalka Ukraine.

"In kasta oo xaaladdu ay aad u kacsan tahay, ra'yiguna uu ku salaysan yahay hubanti la'aan aan caadi ahayn, cawaaqibka dhaqaale ayaa durbaba aad u daran," ayay IMF ku tiri war qoraal ah.

War-saxaafadeedka oo lagu daabacay bogga internet-ka ee sanduuqa ayaa waxaa la raaciyey: "Haddii isku dhacu uu sii xumaado, dhaqaaluhu wuxuu noqonayaa mid aad u xun."

"Qiimaha tamarta iyo badeecadaha ayaa sare u kacay," ayaa lagu yiri bayaanka, taasoo sii kordhinaysa sicir bararka jira. Cunaqabataynta baahsan ee hadda saaran Ruushka ayaa sidoo kale yeelan doonta cawaaqib xumo.

Wadamada xiriirka dhaqaale ee dhow la leh Ukraine iyo Ruushka ayaa si adag loo garaaci doonaa, IMF ayaa sheegtay, iyadoo khatar gaar ah ay ka dhalan doonto xaaluf iyo khalkhal dhanka saadka ah oo ay ugu wacan tahay qulqulka qaxootiga.

Madaxa fulinta ee IMF ayaa kulmay Jimcihii si ay uga wada hadlaan saameynta dhaqaale ee dagaalka. Guddiga ayaa la filayaa inay mar kale kulmaan toddobaadka soo socda si ay u qiimeeyaan codsiga Ukraine ee $ 1.4bn (£ 1bn) ee maalgelinta degdegga ah.

GAROWE ONLINE

Related Articles

Iran: Maraykanka kula xisaabtami doonaa Haddii Israel Weerarto Goobaheena Nukliyeerka 

Israel ma aysan xaqiijin qorshe kasta oo weerar ah, balse madaxda sare ee dalkaasi oo uu ku jiro Ra’iisul Wasaare Benjamin Netanyahu.

  • Caalamka

    22-05-2025

  • 02:53PM

Falkii Toogashada ee Madxafka Yahuuda ee Washington, D.C. – Faahfaahin Cusub

Dhinaca kale, dhacdadan ayaa xusuusinaysa weerarkii hore ee ka dhacay Madxafka Xusuusta Holocaust ee Washington, D.C., bishii Juun 2009.

  • Caalamka

    22-05-2025

  • 09:47AM