Israa’iil oo shuruud ku xirtay Joojinta dagaalka Qasa
-
GAROWE ONLINE XAFIISKA MUQDISHO
- Posted On 05-11-2023, 03:31PM
QASA (GO) - Ra'iisul wasaaraha Israa'iil Benjamin Netanyahu ayaa diiday baaqyada xabbad-joojinta ee Qasa ilaa ay Xamaas sii dayso dhammaan maxaabiista ay qafaasheen intii uu socday weerarkii 7-dii Oktoobar.
"Xabbad joojin ma jiri doonto haddii aan dib loo soo celin la maxabiista. Waxaan u sheegaynaa Codawga iyo saaxiibada Israa’iil, waan sii wadi doonnaa dagaalkan ilaa aan ka adkaanno."
Kumannaan Israa’iiliyiin ah ayaa dhawaan ka qayb-galay mudaaharaad ka dhacay afaafka hore ee guriga Netanyahu ee magaalada Qudus, iyagoo dalbanayay inuu si degdeg ah xilka uga dego.
Xamaas ayaa gacanta ku dhigtay in ka badan 200 oo qof intii uu socday weerarkii lama filaanka ahaa ee ay ku qaadeen Israa'iil 7-dii Oktoobar.
Ururka ayaa Sabtidii sheegay in tan iyo 7-dii Oct, duqeynta Israa’iil ee Qasa ay sababtay dhimashada in ka badan 60 maxbuus.
GAROWE ONLINE
