Maraykanka: Musharax madaxweyne oo u hanjabay Israa’iil

WASHINGTON - Musharaxa madaxtinimada Maraykanka ee xisbiga Dimuqraadiga, Cenk Uyghur, ayaa argagixisanimo ku tilmaamay duqeymaha ay Israa'iil ka geysanayso Marinka Qasa, isaga oo ku baaqay inay si degdeg ah u joojiso.

Uyghur ayaa cambaareyay sida ay reer Galbeedku u maareynayaan qadiyadda Falastiin, isagoo yiri, "Maxay dowladda Israa'iil ugu eedeyn waayeen inay tahay argagixiso, maadaama ay dishay saddex laab tirada rayidka ah ee Xamaas dileen?

Waxa uu intaa ku daray, "Miyayna nolosha Falastiiniyiintu wax macno ah lahayn, waan ka daalnay xagjirnimada ka dhanka ah Muslimiinta iyo Falastiiniyiinta,"

Uyghur waxa uu carabka ku adkeeyay in uu si degdeg ah u joojin doono taageerada Mareykanka uu siiyo Israa’iil haddii uu qabto xilka madaxtinimada.

GAROWE ONLINE