Mareykanka: Dad ku dhintey gaari lagu weeraray bandhig
-
WARIYAHA WASHINGTON GAROWE ONLINE
- Posted On 22-11-2021, 04:24PM
WASHINGTON, USA - Ugu yaraan 5 qof ayaa ku dhimatay in ka badan 40 kalena waa ay ku dhaawacmeen kadib markii gaari uu jiiray dhoola-tuska Christmas-ka ee gobolka Wisconsin ee dalka Mareykanka, sida ay booliisku sheegeen.
Kooxaha iskuuladda iyo qoob-ka-ciyaarka ee grannies-ka ayaa ka mid ahaa dadkii socod ku dhex maray magaalada Waukesha markii baabuur noociisu yahay SUV cas uu wadada si xawli ah ku dul-maray dadka.
Dadka dhaawacmay oo tobanaan qof ah waxaa lagu waramay in ay ku jiraan tirro carruur. Hal qof ayaa loo xiray falkan. "Dhacdadu uma muuqato waqtigan" fal argagixisanimo," mid ka mid ah saraakiisha ayaa sidaas yiri.
Saraakiisha Waukesha ayaa ka digay in tirada dhimashada iyo dhaawaca ay is bedeli karto maadaama xog dheeri ah la uruurinayo. Waxay sheegeen in dadka qaar ay isu qaadeen isbitaallada deegaanka.
Angelito Tenorio oo degan deegaanka ayaa u sheegay wargayska Milwaukee Journal Sentinel in uu dhameeyay socodkii dhoola-tuska ah markii baabuurka SUV bilaabatay in uu dadka dardaro".
"Si xawli ah buu noo dhaafay saacadu markay ahayd 16:40 (22:40) GMT) Axadii. Waxaan soo kabasho deg-deg ah u rajaynayaan dhamaan dhibaneyaasha," ayuu carabka ku adkeeyay.
Bandhiga Waukesha - oo dad 72,000 ah ku qabtaan galbeedka Milwaukee - ayaa la qabtaa sanad walba ka hor is-cafinta, waxaana ku jira lebbis qurxoon,, qoob-ka-cayaaraha iyo kooxaha socodka. Ciwaanka sanadkan waa "raaxo iyo farxad".
GAROWE ONLINE
