Mas’uuliin ka socda Xamaas & Iiraan oo ku kulmay Doha

DOHA - Ururka Xamaas ayaa bayaan uu soo saaray ku sheegay in madaxa xafiiska siyaasadda ee ururka Ismail Haniyeh uu dalka Qatar kula kulmay wasiirka arrimaha dibadda ee Iran, Hossein Amir Abdollahian, iyagoo ka wada hadlay weerarka ay ku qaadeen Israel.

Sida lagu sheegay bayaanka, labada dhinac waxay xaqiijiyeen inay sii wadayaan iskaashiga si loo gaaro yoolalka ay leeyihiin dadka Falastiiniyiinta.

Intii lagu guda jiray kulanka, Wasiirka Arrimaha Dibadda ee Iran ayaa bogaadiyay weerarka oo uu ku tilmaamay "guul taariikhi ah", isagoo xusay "in uu dib u dhac weyn ku yahay mashruucii ay Israa’iil ka wadday Falastiin iyo gobolka.

GAROWE ONLINE