Nin jiiray suulida ugu da'da weyn Japan oo bileyska isku dhiibay

Musqushan ayaa waxaa lagu naaneystaa "hyakusecchin" oo macnaheedu yahay "suulida 100-ka qof ah".

TOKYO, Japan - Nin ay shaqadiisu tahay inuu caawiyo ilaalinta hiddaha dhaqanka ee Japan ayaa si lama filaan ah baabuurkiisa ugu dhex jiiray suuliga ugu da'da weyn ee macbadka Budhiistaha ee qarniyo jiray.

Musqushan oo taala macbadka Tofukuji ee magaaladda Kyoto waxay soo taxnayd ilaa qarnigii 15aad waxaana loo aqoonsadey in ay tahay hanti dhaqameed oo muhiim ah.

Albaabkeeda qadiimiga ah ayaa burburay kadib markii shaqaaluhu uu gaaska ku dhuftay isagoo aan ogayn in baabuurku uu rogan yahay, sidda lagu sheegay warbixin kasoo baxdey booliiska.

"Ma jirto cid wax ku noqotay. Qeybaha kale ee musqusha waxyaalo masoo gaarin marka laga reebo albaabka," ayaa la raaciyey warbixinta kasoo baxdey Booliska.

Ninkan oo aan magaciisa la shaacin, kana shaqeeya Xarunta Ilaalinta Dhaxalka ee Kyoto ayaa wacay booliiska wax yar ka dib markii uu shilku dhacay, isaga oo u sheegay in uu burbur u geystay macbadka.

Warbixinadda ayaa intaas ku daraya in uu macbadka u booqanayay howlo shaqo. Wargeyska Sankei Shimbun oo soo xigtey illo wareedyo ayaan kala caddeyn haddii shaqsigan xabsi loo taxaabay.

Sawir uu kusoo baxay wargeyska oo kamid ah kuwa loogu akhrisashadda badan yahay ayaa muujinaya wax u eg gaariga kadib markii uu galay albaabka musqusha oo 700 sano jir ah iyo tiirar.

Suulida ayaa lagu naaneystaa "hyakusecchin" oo macnaheedu yahay musqul 100 qof ah, maadaama ay isticmaali jireen in ka badan 100 wadaado tababaran ah oo macbadka jooga, sidda ku xusan warbixinta joornaalka.

GAROWE ONLINE