Pakistan oo nin Shiinees ah u xirtey in uu caayay Nabi Maxamed

Ninkan oo magaciisa lagu soo koobay Mr Tian ayaa diiday eedaymaha ay u soo jeediyeen asxaabtiisa.

ISLAMABAD, Pakistan - Maxkamad ku taal Pakistan ayaa amartay muwaadin u dhashay Shiinaha oo lagu eedeeyay inuu aflagaadeeyay in xabsiga lagu sii hayo muddo laba toddobaad ah, sida ay booliisku sheegeen.

Ninkan oo magaciisa lagu soo koobay Mr Tian ayaa diiday eedaymaha ay u soo jeediyeen asxaabtiisa intii uu socday maxkamad ku taal magaalada Abbotabad fiidnimadii Isniinta.

Tahir Ayuub, oo ah sarkaal ka tirsan booliiska deegaanka, ayaa Al Jazeera u xaqiijiyay Arbacadii in eedaysanaha xabsiga loo taxaabay, iyadoo maamulka uu baarayo dhacdada.

Mr Tian, oo ah madaxa gaadiidka culus ee mashruuc weyn oo koronto lagu dhaliyo, ayaa 15-kii bishan April waxaa lagu eedeeyay inuu aflagaadeeyay Nebi Muxamed.

Sidda ku xusan warbixinta, eedeysanahan ayaa waxaa la sheegay inuu ku booriyay shaqaalaha inay dardargeliyaan shaqada ay ku guda jiraan xilli ay ku guda jireen fasaxa salaada.

Mashruuca tamarta ee Dasu ee degmada Kohistan ee waqooyi-galbeed Pakistan ee Khyber Pakhtunkhwa ayaa waxaa fulinaya Shirkadda Shiinaha Gezhuba Group Company.

Aflagaadada ka dhanka ah diinta Islaamka waa mawduuc xasaasi ka ah gudaha Pakistan, oo ah waddan Muslimiin u badan yihiin, halkaas oo kuwa lagu helo dembigan lagu xukumo ciqaab dil ah noocyada dembiyadan.

GAROWE ONLINE