Perez Molina: Madaxwayne hore oo lagu xukumay 16-sano xarig ah

Image
Xukunsanaha ayaa lagu helay laba dambi kuwaasoo midkiiba u dhigma min sideed sano xabsi ah.

GUATEMALA CITY, Guatemala - Maxkamad ku taalla waddanka Guatemala ayaa madaxweynihii hore ee dalkaasi Otto Perez Molina iyo ku xigeenkiisa Roxana Baldetti waxay ku heshay dambiyo la xiriira xatooyadda xoola dadwayne iyo wax isdaba marin, iyadoo ku xukuntay midkiiba 16 sano oo xarig ah.

Perez Molina ayaa lagu helay danbi ah burburinta iyo khiyaameynta nidaamka kastamka, sidda uu Arbacadii shalay sheegay garsooraha ku dhawaaqay xukunka ee Irma Jeannette Valdes.

"Labadaas dambi ayaa midkiiba waxaa u taagan sideed sano oo xabsi ah," ayuu yiri Valdes. "Tani waxay ka dhigan tahay in mid walba oo labadooda kamid ah lagu xukumay 16-sano xarig ah".

Perez Molina iyo Baldetti oo is casiley 2015 ayaa ku jirey xabsiga tan iyo waqtigaas. Eedeymahan waxay si weyn u garaafeeyeen maqaamkooda siyaasadda.

Ku dhawaad ​​30 qof oo kale oo ay ku jiraan shaqaalaha canshuuraha iyo ganacsato ayaa ku lug lahaa kiiskan kaasoo ku kacay ilaa 1 milyan oo doollar oo laaluush ah iyo $2m oo dakhli ka soo galay dowladda.

Eedeysanayaasha qaarkood ayaa la sii daayay Arbacadii kadib markii lagu waayay wax dambi ah. Maxkamadda ayaa amartey in si degdeg ah ay xorriyadooda dib ugu helaan shaqsiyaadkan.

Mareykanka ayaa si weyn u dhaleeceeyay daciifinta dadaallada ka dhanka ah musuqmaasuqa ee Guatemala, waxaana sanadkii hore uu u diidey fiisaha Mareykanka xeer ilaaliyaha guud ee Guatemala Consuelo Porras, kaasoo daba socday dacwad oogayaal hore oo kusoo oogay baaritaanno musuqmaasuq ah.

GAROWE ONLINE

Related Articles

Putin oo ku hanjabay inuu qaadi doono tallaabo kaa dhan ah diyaaradaha NATO

Putin ayaa ku hanjabay in haddii reer galbeedku ay Ukraine siiyaan diyaaradaha F-16, ay soo ridi doonaan.

  • Caalamka

    28-03-2024

  • 10:44AM

Saboolnimada awgeed.. Dhaliyarada Iran oo bilaabay inay iibiyaan Kelyahooda

Dadka ku howlan ka ganacsiga xubnaha jirka ayaa ku tartama xubnaha ay bixiyaan ciyaartoyda.

  • Caalamka

    28-03-2024

  • 08:38AM