Putin oo doorbiday in Biden dib loogu doorto madaxtinimada Mareykanka

Image
Codbixiyayaashu ayaa dhanka kale walaac dhab ah ka qaba da'da Biden.

Washington (GO) - Madaxweynaha Ruushka Vladimir Putin ayaa Arbacadii ku tilmaamay dhiggiisa Mareykanka, Joe Biden, inuu yahay shaqsi ficilladiisu ay yihiin kuwo "la saadaalin karo" marka loo eego Donald Trump.

Putin ayaa sidoo kale muujiyay inuu diyaar u yahay inuu la shaqeeyo cidda ku guuleysata doorashada madaxtinimada Mareykanka ee la qorsheeyay bisha November, qof uu yahayba.

Isagoo ka jawaabaya su'aal ku saabsan cidda Ruushku door bidayaan inuu ku guuleysto iskahorimaadka suurtagalka ah ee u dhexeeya madaxweynaha Dimuqraadiga iyo musharaxa xisbiga Jamhuuriga Trump, Putin wuxuu ku jawaabay, "Biden, wuu ka khibrad badan yahay, ficilkiisa waa la saadaalin karaa.

Isaga oo ka hadlaya dhaleecaynta loo jeediyay Biden, oo 82 jir noqon doona toddobaadyo uun ka dib doorashooyinka, Putin wuxuu yiri, "Markii aan la kulmay Biden saddex sano ka hor, dadku waxay ka hadlayeen awood la'aantiisa, laakiin taasi iima muuqan.

Ra'yiururinta Mareykanka ayaa muujineysa in codbixiyayaashu ay walaac dhab ah ka qabaan da'da Biden iyo xaaladiisa Caafimaad.

GAROWE ONLINE

Related Articles

Xuutiyiinta Yemen oo Sheegaya in Ra'iisul Wasaaraha iyo Wasiirro ku Dhinteen Duqeyn Israa'iil

Kooxda Xuutiyiinta ayaa sidoo kale bartilmaameedsanaysay maraakiibta ku socda Badda Cas.

  • Caalamka

    30-08-2025

  • 03:47PM

Japan oo 300 oo Heshiis La Gashay Afrika: Iskaashi Taariikhi ah oo Ka Dhashay Shirka TICAD9

Heshiisyadan ayaa diiradda saaraya dhinacyo muhiim ah oo horumarineed sida: kaabeyaasha dhaqaalaha, caafimaadka.

  • Caalamka

    24-08-2025

  • 05:05AM