Ruushka oo uga digay Maraykanka inuu hub siiyo Ukraine

Dhawaqan ayaa yimid maalmo kadib markii maamulka Biden uu $800 milyan oo kaalmo milatari u qoondeeyay Ukraine.

WASHINGTON, USA – Ruushka ayaa uga digay Mareykanka "cawaaqibka aan la saadaalin karin" haddii maamulka madaxweynaha Mareykanka Joe Biden uu sii wado u wareejinta hubka Ukraine, sida uu ku waramay wargayska The Washington Post ee laga leeyahay dalka Maraykanka.

The Post ayaa sheegtay in ay dib u eegtay nuqul ka mid ah warqad diblomaasiyadeed oo uu Ruushku u soo diray Maraykanka toddobaadkan, kaas oo ka digay in maraakiibta Maraykanka iyo NATO hub dambe geeyaan Ukraine taas oo hadii ay dhacdo keeni karta "cawaaqib aan la saadaalin karin".

"Waxaan ugu yeereynaa Mareykanka iyo xulafadiisa inay joojiyaan mas'uuliyad-darrada ay hubka ku gaynayaan Ukraine, taasoo ka dhigan cawaaqib aan la saadaalin karin oo ku wajahan amniga gobolka iyo kan caalamiga ah," ayaa lagu yiri qoraalka.

Shixnadaha hubka ah waxay "ku sii kordhinayeen shidaal" iskahorimaadka, qoraalka ayaa lagu sheegay qoraalka sida uu ku waramay wargaysku.

Warbixintan ayaa kusoo beegmeysa maalmo kadib markii maamulka Biden uu ku dhawaaqay inuu $800m oo dheeri ah ku bixinayo kaalmada militari ee Ukraine, taasoo dagaal kula jirta ciidamada Ruushka tan iyo markii Moscow ay bilowday duulaanka ay ku qaaday dalkaasi 24-kii Febraayo.

Xirmada gargaarka militariga waxaa ka mid ahaa nidaamyada madaafiicda, rasaasta madaafiicda, gawaarida gaashaaman iyo helikobterrada - waxayna keentay wadarta guud ee gargaarka Mareykanka ee Ukraine tan iyo markii duulaanka Ruushka uu bilaabay in ka badan $ 2.4bn.

"Xirmadan cusub ee gargaarka waxa ay ka koobnaan doontaa qaar badan oo ka mid ah nidaamyada hubka ee waxtarka leh ee aan horay u bixinnay iyo awoodo cusub oo ku habboon weerarka ballaaran ee aan fileyno in Ruushka uu ka billaabo bariga Ukraine," ayuu Biden ku yiri hadal uu soo saaray Arbacadii.

"Sahayda joogtada ah ee hubka Maraykanka iyo xulafadiisa iyo la-hawlgalayaasheeda waxay siiyeen Ukraine waxay ahayd mid muhiim u ah sii wadida dagaalka ka dhanka ah duulaanka Ruushka."

Qaar ka mid ah qalabka cusub ayaa u baahan doona tababar ciidamada Ukraine, afhayeenka Pentagon John Kirby ayaa u sheegay suxufiyiinta, oo ay ku jiraan 155mm howitzer cannon. Tani waa markii ugu horeysay ee Washington ay u diri doonto Ukraine.

Afhayeen u hadashay wasaaradda arrimaha dibadda ee Ruushka ayaa xaqiijisay in Ruushku uu waraaqo dublamaasiyadeed u diray Maraykanka iyo dalal kale oo ku saabsan in hubka la geeyo Ukraine balse ma aysan sheegin farriimahaas waxa ku jiray, wakaaladda wararka ee Interfax ayaa sidaas sheegtay gelinkii dambe ee Jimcihii.

Madaxweynaha Ukraine, Volodymyr Zelenskyy, ayaa ku baaqay hub dheeri ah si looga hortago weerarka la filayo in Ruushka uu ka fuliyo bariga dalkaasi.

GAROWE ONLINE