Sacuudi Carabiya oo ku dhawaaqday maalinta ay bilaabi doonaan raadinta dhalashada bisha Ramadaan

Maxkamadda sare ee dalkaasi ayaa soo saartay bayaan ay ku sheegeen maalinta ay bilaabi doonaan.

Riyadh (GO) - Maxkamadda Sare ee Sacuudi Carabiya ayaa maanta ugu baaqday dhammaan Muslimiinta ku nool Boqortooyada Sacuudiga inay baaraan aragtida bisha Ramadaan fiidnimada Axadda oo ku beegan 10-ka Maarso.

Maxkamadda sare ayaa ku sheegtay bayaan ay daabacday wakaaladda wararka Sacuudiga ee SPA:

"Maxkamadda sare waxay codsanaysaa in qof kasta oo bisha ku arka indhihiisa qaawan uu ku wargeliyo maxkamadda ama xarunta dowladeed ee si uu u diiwaan geliyo”.

Maxkamaddu waxay intaa ku dartay: “Maxkamadda sare waxay rajaynaysaa in ciddii kasta ay arrintan fiiro gaar ah u yeelato, oo ay ku biiraan guddiyada loo sameeyay gobollada.”

GAROWE ONLINE