Safiirka Faransiiska dhawaan laga eryi Niger oo afka furtay

PARIS - Safiirka Faransiiska u fadhiya dalka Niger, Sylvain Eté, oo ay dalka ka eryeen kooxihii afgambiga sameeyay 26-kii July, ayaa muujiyay dhibka uu kala kulmay toddobaadyo go'doon ah oo uu ku jiray gudaha xarunta safaaradda ee Niamey.

Eté waxa uu yiri, "Afgambigani marka hore waa arrin gudaha NIger ah oo u dhaxaysa madaxweyne go'aansaday in uu la dagaallamo musuqmaasuqa iyo tiro jeneraalo ah oo aan doonayn in dagaalka lagula jiro musuqmaasuqa uu guuleysto."

Sida uu dhigayo go’aan cayrin ah oo ay soo saareen ciidanka talada haya dhamaadkii Agoosto, diblumaasiga Faransiiska ayaa laga eryi lahaa dalka isla marka uu ka baxo safaaradiisa.

Faransiiska ayaa markii hore go’aansaday inuusan u hoggaansami doonin amarkan cayrinta ah, isagoo sheegay inay aqoonsan yihiin oo keliya dowladdii sharciga ahayd ee uu hoggaaminayay Madaxweyne Maxamed Bazoum oo afgambiga lagu riday.

Si kastaba ha ahaatee, madaxweynaha Faransiiska Emmanuel Macron ayaa go’aansaday Axadii lasoo dhaafay inuu ku dhawaaqo soo laabashada danjirihiisii ​​u joogay Niger iyo bixitaanka 1,500 oo askari oo Faransiis ah.

GAROWE ONLINE