Shiinaha oo dhaliilay weerarka Israa'iil ee Qasa

QASA - Wasiirka arrimaha dibadda Shiinaha Wang Yi ayaa Axaddii sheegay in ficillada Israa'iil ee ka waddo Qasa ka dib weerarkii Xamaas ay "dhaafeen xadka is-difaaca", dowladda Israa'iilna ay tahay inay joojiso "ciqaab wadareedka ee kula kacayso dadka deggan marinka.

Wasiirka arrimaha dibadda ee Shiinaha Wang Yi ayaa intaa ku daray in Shiinuhu uu aaminsan yahay in cadaalad darada taariikhiga ah ee ka dhanka ah Falastiin, taas oo socota in ka badan nus qarni aysan sii socon karin.

Docda kale, In ka badan 1,300 oo qof ayaa lagu dilay weerar ay Xamaas ku qaadday Israa’iil 7-dii Oktoobar, halka jawaabta Israa’iil ay horseeday in in ka badan 2,329 qof oo ay ku jiraan 700 oo carruur ah lagu dilay marinka Qasa.

GAROWE ONLINE