Shirka wadamada Carabta & Islaamka oo maanta ka furmi doono Riyadh

RIYADH (GO) - Wasaaradda arrimaha dibadda ee Sucuudiga ayaa bayaan ay soo saartay Jimcihii ku sheegtay in ay martigelin doonaan shir wadajir ah oo ay ka soo qeyb galayaan dalalka Carabta iyo Islaamka oo sabtida ka dhici doona magaalada Riyadh.

Maanta oo Sabti ah ayaa lagu waday in dalka Sacuudiga uu ka furmo labo shir madaxeed oo aan caadi ahayn oo kala ah: Shirka Ururka Iskaashiga Islaamka iyo shir madaxeedka Jaamacadda Carabta.

Bayaanka ayaa lagu sheegay in shir madaxeedka aan caadiga ahayn ee wadajirka ah ee Carabta iyo Islaamka uu ku yimid "iyaga oo ka jawaabaya duruufaha gaarka ah ee ka dhacaya Qasa."

War-saxaafadeedka ayaa lagu sheegay in go’aankan uu yimid ka dib markii Boqortooyada ay la tashatay Ururka Jaamacadda Carabta iyo Ururka Iskaashiga Islaamka.

GAROWE ONLINE