Tirokoobka geerida Gaza oo dhaafay dagaaladii Ukraine iyo Iraq
-
WARIYAHA CAALAMKA GAROWE ONLINE
- Posted On 22-01-2024, 04:05AM
DOOXA, Qadar - Francesca Albanese ayaa ku eedaysay Israa’iil inay dishay qayb ka badan dadka ku nool Gaza, marka loo eego saamiga dadka lagu dilay dagaalladii Ukraine iyo Ciraaq.
Albanese oo qoraalkan soo dhigtay ciwaankeeda gaarka ah ee X(Twitter) ayaa ah ergeyga gaarka ah ee Qaramada Midoobay u qaabilsan dhulka la haysto ee Falastiin,
Milatariga Israel ayaa waxa uuu dilay 1.1 boqolkiiba dadka Gaza tan iyo weeraradii Xamaas ee Oktoobar 7, sidda laga soo xigtay xogta ay daabacdey Albanese.
Tirada ayaa ka badan marka la barbardhigo 0.2 boqolkiiba iyo 0.8 boqolkiiba oo ah dadka lagu dilay dagaalladii ka dhacay wadamada kala ah Ukraine iyo Ciraaq.
"Ma jiro dagaal u dhigma qarnigan xitaa ku soo dhawaada ololaha xasuuqa [Israel] ee Gaza," ayay hadalkeeda kusoo gabagabeysay Albanese oo ku baaqdey in la joojiyo colaadda.
GAROWE ONLINE
