Ururka Daacish oo xaqiijiyey geerida hogaamiyahooda Abu al-Hussein al-Qurashi

Image

SYRIA - Afhayeen u hadlay ururka argagixisada ah ee Daacish ayaa Maanta oo Khamiis ah ku xaqiijiyey cod uu soo dhigay kanaalka Telegramka ee ururka geerida hoggaamiyihii Daacish, Abu al-Hussein al-Qurashi.

Afhayeenka u hadlay ururka ayaa sheegay in dilka hogaamiyahooda uu yimid ka dib dagaal ka dhacay magaalada Idlib ee waqooyi galbeed dalka Suuriya. Waana isla magaalada lagu dilay hogaamiyihii hore ee ururka Abu Bakar al-Baghdadi.

Kooxdan oo mar u talinaysay dad gaaraya malaayiin qof intii ay gacanta ku haysay saddex meelood meel ka mid ah dhulka Ciraaq iyo Suuriya, ayaa maanta awoodeedii aad loo wiiqey.

Waqooyi-galbeed ee dalka Suuriya ayaa noqoday meesha ugu muhiimsan ee ay nabdoonaan kooxda Daacish ee Bariga Dhexe, kaddib markii looga adkaaday Ciraaq 2017-kii iyo Suuriya 2019-kii. Halka maanta ay ku dhuumaaleysanayaan xadka Ciraaq iyo Suuriya oo dhererkeedu dhan yahay 600-km.

Bishii April ee la soo dhaafay ayuu Madaxweynaha Turkiga, Recep Tayyip Erdogan sheegay in Ciidamada Sirdoonka Turkiga ay howlgal qorsheysan oo ka dhacay gudaha dalka Suuriya ku dileen Abu al-Hussein al-Qurashi.

GAROWE ONLINE

Related Articles

“Aad ayaan uga niyad jabay,” ayuu yiri Trump kadib wada hadal telefoon oo uu la yeeshay Putin

Zelensky ayaa mar kale ku baaqay in la kordhiyo taageerada milatari ee ay siiyaan la-hawlgalayaasha Ukraine.

  • Caalamka

    04-07-2025

  • 11:18AM

Wasiirka Arrimaha Dibadda Iran: Waa ka fekeraynaa Wadahadallada Mareykanka

Araghchi ayaa sheegay in Iran aysan diyaar u ahayn inay si dhakhso ah u bilowdo wadahadallo cusub sida uu Trump.

  • Caalamka

    02-07-2025

  • 12:56PM