USA: Mashquul badan oo hareeyay garoomada diyaaradaha

Image
In ka badan 12,000 oo duullimaadyada Mareykanka ah ayaa la baajiyay tan iyo 24-kii Diseembar.

WASHINGTON, USA - Socdaalka duulimaadyada Mareykanka ayaa wajahaya caqabado kala duwan sababo la xirira cimilo xumo ka jirta qeybo kamid ah dalkaas iyadda oo ay sii kordhineyso saameynta kororka caabuqyada COVID-19 ee uu keenay nooca cusub ee loo yaqaano Omicron.

Mareykanka ayaa Sabtidii hakiyey 2,604 duullimaad, in ka badan kala bar - 4,529 - inta laga joojiyay adduunka oo dhan, wax yar ka dib 4:30 galabnimo (21:30 GMT), sida lagu sheegay raadraaca bogga FlightAware.

Diyaarada China Eastern ayaa baajisay 500 duullimaad, ama qiyaastii afar meelood meel wadarta guud halka Air China ay baajisay in ka badan 200 duulimaad, shan meelood meel jadwalkeeda, sida laga soo xigtay FlightAware.

Tani waxay ka dhigan tahay tiradii ugu badneyd ee hal maalin ah tan iyo wax yar ka hor Kirismaska ​​markii shirkadaha diyaaradaha ay bilaabeen inay ku dhawaaqaan yareynta shaqaalaha taasoo ka dhalatay kororka caabuqyada COVID ee shaqaalaha.

Diyaaradda Mareykanka ee sida xun u saameysay waxay ahayd SouthWest, taasoo ku qasbanaaday inay baajiso 450 duullimaad oo waddanka oo dhan ah ama 13 boqolkiiba jadwalkeeda duulimaadka, sida laga soo xigtay goobta.

American Airlines iyo Delta Air Lines waxay baajiyeen in ka badan 200 duullimaad midkiiba, United Airlines waxay baajisay in ka badan 150. In ka badan 800 oo duulimaad ayaa kusii jeeday garoonka O'Hare iyo in ka badan 250 garoonka Midway.

In ka badan 12,000 oo duullimaadyada Mareykanka ah ayaa la baajiyay tan iyo 24-kii Diseembar. Duuliyeyaal badan, adeegayaal duulimaad iyo shaqaale kale ayaa shaqada ka maqan ka dib markii laga helay COVID, ama waa la karantiilay ka dib markay la xiriiraan qof cudurka qaba.

GAROWE ONLINE

Related Articles

Ruushka iyo Ukraine oo Is-dhaafsaday Maxaabiis iyo Weeraro Cusbaa oo lagu qaadey Kyiv

Is-dhaafsigan ayaa noqonaya kii ugu weynaa ee tan iyo markii uu bilowday dagaalku, waxaana lagu qabtay xadka Ukraine iyo Belarus .

  • Caalamka

    24-05-2025

  • 04:20PM

Iran: Maraykanka kula xisaabtami doonaa Haddii Israel Weerarto Goobaheena Nukliyeerka 

Israel ma aysan xaqiijin qorshe kasta oo weerar ah, balse madaxda sare ee dalkaasi oo uu ku jiro Ra’iisul Wasaare Benjamin Netanyahu.

  • Caalamka

    22-05-2025

  • 02:53PM