Barlamanka Puntland oo ansaxiyey degmooyin cusub
-
- Posted On 29-07-2017, 03:33PM
GAROWE , Puntland- Barlamanka Puntland ayaa maanta ansixiyey afar degmo oo oo kala ah Bursaalax,Xunbays,Shaxda iyo Dhudhub waxaana deeganada oo ka kala tirsan gobollada Mudug,Bari iyo Karkaar dhawaan meel mariyey golihii wasiirada ee dhawaan kalsoonida lagala noqday.
Fadhiga maanta oo ay fadhiyeen 44 xildhibaan ayaa waxaa haa ugu codeeyey in degmooyin loo aqoonsado deeganadan 39 mudane,halka uu hal xildhibaan diiday afar-na waa ay ka aamuseen.
Barlamanka Puntland ayaa weli ku guda jira kalfadhiga 39 aad,waxaana arrimaha u harsan ka mid ansixinta golaha wasiirada ee uu dhawaan soo magacaabi doono Madaxweynaha Puntland Cabdiweli Maxamed Cali.
Waxaa la xaliyey khilaaf u dhexeeyey Barlamanka iyo Madaxweynaha Puntland iyadoo dadka la socda arima Golaha sheegayaan in loo fuliyey qodobo ay dalbanayeen.
GAROWEONLINE
