Barlamanka Puntland oo ansixiyey degmo kusoo biirtay Mudug
-
- Posted On 17-12-2014, 12:55PM
December 17, 2014 (GO)- Xildhibaanada Barlmanka Puntland ayaa maanta meel mariyey degmo cusub oo kusoo biirtey degmooyinka Puntland ka kooban tahay.
Degmadan oo lagu magacaabo Saaxo waxay kamid noqon doontaa degmooyinka gobolka Mudug.
54 xildhibaan oo fahiga Barlamanka ee maanta soo xaadiray ayaa dhammaantood ogolaaday degmada cusub.
Maamulka Galmudug ayaa kasoo horjeestay magacaabista degmadan maadaama sida ay ku doodayaan ka tirsan deegaanada Galmudug.
Warar hoose oo Garowe Online heshay ayaa tibaaxaya in Dowladda Federaalku guddi u saari doonto xaalada degmadan.
Dhowaan ayey ahayd markii madaxweyne ku-xigeenka Puntland Barlamanka ka codsaday inay ogolaadaan in Saaxo laga dhigo degmo ka tirsan gobolka Mudug.
GAROWE ONLINE
