Barlamanka Puntland oo asnixiyay Gollaha Wasiirada cusub [Sawirro]
-
- Posted On 10-08-2017, 06:19PM
GAROWE, Puntland - Xildhibaanada Barlamanka Puntland ayaa maanta ansixiyay Xukuumadda cusub, ee uu Isniintii lasoo dhaafay magacaabay Madaxweyne Cabdiweli Maxamed Cali "Gaas".
Kulanka lagu ansixiyay Xukuumadda waxaa soo xaadiray 64 Xildhibaan, kuwaasi oo 61 kamid ah ay cod gacan taag ah ku meel-mariyeen Gollaha Wasiirada, 3 Mudane ka aamustay, mana jirin cid diiday.
Wasiirada cusub iyo ku xigeenadooda, oo ka kooban 53 xubin, ayaa u badan kuwii Xukuumaddii la riday 18-kii July, marka laga reebo Wasiirad Haweenka, Duulista Hawada iyo Xanaanada Xoolaha.
Madaxweyne Gaas oo ka qeybgalay Kulanka, ayaa soo dhaweeyay codka kalsoonida, ee la siiyay Xukuumadiisa, isagoo uga mahadceliyay Xildhibaanada ansixinta aqlabiyad leh.
GAROWEONLINE
