Bosaso: afar qof oo isku qoys ah oo ku geeriyoodey dab
-
- Posted On 12-07-2015, 11:29AM
July 12, 2015 (GO)- Afar qof oo hal qoys ka wada tirsan ayaa ku geeriyoodey dab maanta qabsaday guri cooshad ka sameysan oo ku yaalla kaamka barakacayaasha 55-aad ee magaalada Bosaso.
Afarta qof ayaa kala ahaa aabe, hooyo iyo labo carruur ah oo ay dhaleen. Lama oga sababta dabka dhalisay, waxaana socda baaritaan ay booliska degmadu wadaan.
Shilal noocan ah ayaa dhowr mar oo hore magaalada Bosaso ka dhacay, waxaana inta badan loo sababeeyaa guryaha dadka soo qaxay deggen yihiin oo cooshado ka sameysan una nugul dabka.
April 16, 2015 ayey ahayd markii sidan oo kale labo carruur ahi ugu dhinteen dab qabsadey kaamka barakaceyaasha ee Buulo-Mingis.
GAROWE ONLINE
